Carmen XXII : Eldrado abbati Florus supplex (v. 825-840)
Œuvre
"Carmen XXII : Eldrado abbati Florus supplex (v. 825-840)" dans la base Bibale (permalink : https://bibale.irht.cnrs.fr/551). Consultation du 19/04/2024.
'Hos cytarista puer lyricis concentibus ymnos
Edidit in laudes, o bone Christe, tuas.'
825 - 840
Cipolla Carlo (éd.), Monumenta Novaliciensa vetustiora., II, p. 220-221
Ci-dessous le texte de l'édition MGH Poet. 2 (E. Dümmler 1884) p. 549-550
http://www.mgh.de/dmgh/resolving/MGHPoetae2S.549
ELDRADO ABBATI FLORUS SUPPLEX
Hos cytarista puer lyricis concentibus ymnos
Edidit in laudes, o bone Christe, tuas.
Egregius vultu, forma speciosus amoena,
Viribus invictus, moribus almificus,
Numinis aetherei plenus, sacro ore melodus,
Inclitus aeterni rex sator imperii,
Cui cadit horrifici moles truculenta Philistei,
Saxo fusa levi, trunca mucrone sui.
Ursorum rabies, feritas insana leonum
Sternitur et fracto gutture victa perit.
Cedit et obsesso fugiens e pectore daemon,
Conprimiturque pio regius ore furor.
His igitur modulis larbalia monstra fugantur,
Vincitur hostis atrox, crimina dira ruunt.
Artubus auxilium, menti venit alma medela,
Mors, morbus fugiunt, vita, salus redeunt.
Iugibus idcirco precibus cantuque perenni
Haec, pater, ex vestro personet ore lyra,
Qua prisci cecinere senes, quos maxima Nili
Hostia et alticrepi horruit unda sali,
Quamque sacer longi corruptam erroribus aevi
Reddidit antiquo Hieronimus decori,
[550]
Ingenio cuius pulchris instructa sagittis,
Stellarum rutilo tota nitore micat,
Quas studiosa manus multi sudore laboris
Restituit priscis, te rogitante, locis.
Namque per incultas errat dum lubrica palmas
Dulcis et ambrosio tincta liquore lyra,
Perdiderat fulvi radiantia signa metalli,
Texerat et furvo fila canora situ.
Sed tamen Hebraica rursus ratione polita,
Ac simul Argolica denuo picta manu,
Mellifluas caeli spargens trans sidera voces,
Concrepat angelico carmina sacra sono.
Nunc cape correctum gratanti corde volumen,
Utque ita permaneat, da, pater, oro, operam.
Nullus enim fructus conamina nostra sequetur,
Erasis viciis qui bona subdidimus,
Ni vigil atque sagax studio, pater optimo, vestro
Conservet scriptor quae modo recta manent.
Iamque vale, Florique tui sine fine memento,
Ut valeat culpis ipse carere suis .
[Carmen XXII.] Eldrado abbati Florus supplex
Préface en vers au Psautier révisé
Personne
| Type | Notice | Date | Lieu | Commentaire | |
|---|---|---|---|---|---|
| |
a été écrite (auteur) par
|
Florus Lugdunensis (v. 805/810-v. 860) | LYON, Rhône-Alpes, France |
Œuvre
| Type | Notice | Date | Lieu | Commentaire | |
|---|---|---|---|---|---|
|
est commentée dans
|
Epistola Flori ad Hyldradum abbatem (v.825-840) | LYON, Rhône-Alpes, France |
Pierre Chambert-Protat (31/01/2013 09:34)
Hanno Wijsman (23/06/2023 15:31)